صباح الخير
العروسة زمان كانت مدلعة آخر دلع يا ريتنا كنا فى الزمان دا. يوم الصباحية تروح أم العروسة لبنتها ومعاها سبت الزيارة فيه الفطير المشلتت والجبنة والزبدة والعسل والبيض البلدى والبط محمر وجاهز للاكل وجدتى قالتلى على حاجة كمان كانت بتبقى موجودة فى سبت الزيارة اسمها مقلى العروسة وعرفت منها الطريقة وجربته وفعلا طعمه روعة وجميل جدا علشان كدا لازم انتى كمان تجربيه
مقادير مقلى العروسة:
كيلو دقيق
عدد3 بيضات
كوب 1/4 زيت
رشة ملح - سكر
بيكنج بودر1/2 كيس
ماء للعجن او لبن حسب الرغبة
طريقة العمل:
فى وعاء عميق
ضعى المكونات الجافة وقلبيهم مع بعض
ضعى البيض وقلبى الخليط
ضيفى الزيت
ضيفى الماء واعجنى المكونات مع بعضها حتى يتكون لديكى عجينة متماسكة يسهل تشكيلها
قسمى العجين الى كور متوسطة الحجم
اتركى العجين 15 دقيقة للراحة
افردى كل كورة بالنشابة وتكون سمكها 1/2 سم
احضرى طاسة وضعى فيها زيت للقلى
بعدما يسخن الزيت ضعى واحدة من العجين المفرود فىالطاسة واقليها حتى تحمر من الوجهين او يصير لونها ذهبى
خرجيها من الطاسة وحطيها فى مصفاة وغطيها علشان تبقى طرية
الأفضل تفردى كور العجين بحجم طاسة القلى والزيت يكون غزير
وبالهنا والعافية
غدا نلتقى
تعليقات